很 多 fans 都 關 心 鄭 秀 文 （ Sammi ） 和 舊 愛 許 志 安 是 否 復 合 ， Sammi 昨 日 強 調 很 滿 意 與 安 仔 現 時 的 好 友 關 係 ， 現 階 段 不 想 有 任 何 改 變 。 提 到 大 年 初 一 是 情 人 節 ， Sammi 自 嘲 會 在 家 中 與 一 大 堆 年 糕 ， 你 眼 望 我 眼 慶 祝 單 身 情 人 節 。
鄭 秀 文 昨 日 在 中 環 I.T 出 席 「 信 望 愛 」 年 度 計 劃 慈 善 Super Boxset 記 者 會 ， 今 次 推 出 的 boxset 定 價 $1,000 ， 限 量 1,000 套 ， 入 面 有 Sammi 演 唱 會 DVD 、 福 音 碟 、 T 恤 和 親 筆 簽 名 畫 等 ， 所 有 收 益 撥 捐 香 港 紅 十 字 會 。
早 前 在 Sammi 演 唱 會 中 ， 擔 任 嘉 賓 的 舊 愛 許 志 安 公 開 表 示 買 了 她 100 隻 碟 支 持 ， 最 近 又 有 傳 兩 人 復 合 ， 問 Sammi 會 否 再 叫 安 仔 幫 手 ？ 她 笑 說 ： 「 冇 呢 回 事 （ 指 復 合 ） ， 同 佢 係 朋 友 關 係 。 」 有 指 安 仔 女 友 已 搬 離 安 仔 的 住 所 ， Sammi 說 ： 「 我 唔 知 喎 ， 你 問 番 佢 啦 。 」 提 到 很 多 人 想 二 人 復 合 ， Sammi 哈 哈 大 笑 謂 ： 「 係 你 哋 （ 指 記 者 ） 想 啫 ， 我 冇 嘢 好 回 應 呀 ， 呢 個 階 段 （ 做 朋 友 ） 我 覺 得 好 好 。 」
情 人 節 將 至 ， 問 Sammi 如 何 度 過 ？ 她 笑 說 ： 「 我 訂 咗 10 幾 底 糕 ， 喺 屋 企 對 住 啲 糕 ， 你 眼 望 我 眼 咁 慶 祝 我 嘅 單 身 情 人 節 囉 。 」 可 會 叫 安 仔 與 她 一 齊 食 ？ 她 笑 而 不 答 ， 再 問 有 否 了 解 安 仔 是 否 單 身 ？ 她 說 沒 了 解 。 記 者 再 追 問 是 否 怕 尷 尬 ？ 她 即 嗲 聲 說 ： 「 好 煩 呀 ， 我 心 中 只 有 年 糕 ， 家 好 想 食 嘢 呀 。 」 那 麼 現 在 有 沒 有 靚 仔 追 求 ？ 她 高 呼 ： 「 Come on ， 不 過 有 靚 仔 追 就 梗 係 好 ， 總 之 等 神 安 排 啦 。 」
Sammi 表 示 boxset 內 的 畫 作 是 身 心 最 受 困 擾 時 所 畫 ， 名 為 「 人 與 人 之 間 」 ， 畫 內 全 是 赤 裸 的 女 性 胴 體 ， 意 識 大 膽 。 問 她 畫 內 為 何 沒 男 人 ？ 她 笑 說 ： 「 我 仲 未 識 畫 男 人 嗰 度 ， 等 我 識 先 畫 。 」
今 次 慈 善 boxset ， I.T 先 捐 出 30 萬 元 訂 購 300 套 ， 加 上 匿 名 善 長 捐 出 20 萬 ， 故 未 公 開 發 售 已 籌 得 50 萬 ， Sammi 表 示 感 謝 老 闆 林 建 岳 的 支 持 ， 她 說 ： 「 林 生 一 口 應 承 包 製 作 費 ， 呢 1,000 套 要 成 4 、 50 萬 製 作 ， 同 埋 嗰 位 匿 名 善 長 ， 其 實 係 我 兩 位 教 友 ， 佢 哋 淨 係 捐 錢 ， 冇 要 到 boxset ， 再 捐 番 出 來 賣 。 」 |
發表於 2010-2-9 08:08
|